Helgin var frábær. Rólegheit, útaðborða og bíó.
Á laugardeginum fórum við Vala, Maggi&Unnur og Gunni&Ásta út að borða á Grillhúsi Guðmundar, og svo í bíó á Sherlock Holmes.
Myndin er ágætis afþreying, félagsskapurinn awesome. En ekki verður sömu sögu að segja um Grillhúsið á Tryggvagötu.
Á helgarmatseðlinum var nautasteik með sósu, kartöflum og salati, ég var alveg til í nautasteik.
Svo fylgdi líka súpa dagsins með.

Súpa dagsins var gamalt soð með sveppum í og kallaðist sveppasúpa.
Með mínum einstöku hæfileikum tókst mér að taka lokið af súpupottinum og setja á bólakaf í súpunni.

En kjötið, meina, hversu mikið er hægt að klúðra kjöti? Það er hægt að ofelda það.
Ég er ekki viss um að það hafi verið gert í þessu tilfelli. Það leit út fyrir að vera pínu rautt í miðju, en bragðið.... bragðið var viiiðbjóðslegt. Ég er ekki einusinni viss um að þetta hafi verið nautakjöt. Ég þurfti að athuga nokkrum sinnum hvernig þetta hafði verið eldað, því það fyrsta sem mér datt í hug var að kjötið hefði verið grillað í svona 36 tíma, og svo hefði einhver tekið sprautu með blóði og sprautað inn í miðjuna til að láta líta út fyrir að það væri medium-rare.
En eftiráaðhyggja, þá grunar mig að kjötið hafi runnið út einhverntíman í byrjun árs 2008, og verið í frysti síðan þá, fengið svo að þiðna i eina viku þar til ég fékk það á diskinn minn.
Við erum að tala um að ég notaði dijon sinnepið sem er á borðinu til þess að bragðbæta kjötið til þess að koma því ofanímig.
HVER NOTAR DIJON SINNEP Á KJÖT?! Ég, þegar kjötið er myglað.
Gef grillhúsinu mínus-þrjár-stjörnur.


En í gær fórum við Vala út að borða á Scandinavian á Laugavegi 24.
Það var frábært.
Djúpsteiktur camelbert og hvítlauksristaðir humarhalar í forrétt. Kjúklingaeitthvað og Surf&Turf í aðalrétt. Og svo súkkulaði og eplakökur í eftirrétt.
Þjónustan var skemmtileg.
Forrétturinn var frábær.
Aðalrétturinn var líka frábær.
Eftirrétturinn var "lala". Skv völu þá hefði alveg mátt hita frönsku súkkulaði kökuna aðeins betur. En svoleiðis á að vera borið fram volgt, ekki kalt. Eplakakan var líka "lala". Hef bæði fengið verra og betra.
Mæli með að sleppa bara eftirréttunum, og þá fer maður massa sáttur þarna út.
Gef Scandinavian "ég væri til í að koma aftur þangað og borða, og myndi mæla með staðnum" margar stjörnur.


Næst: Hoppa og skoppa út vikuna til að ná af mér matnum sem var borðaður um helgina.

Ársþriðjungur síðan ég bloggaði síðan.

Á þessu tímabili hefur fólk notað leitarorð eins og "regnbogakoss" (gay...) og "vinalínan" (depressed gay?).
Og svo svona hefðbundari leitarorð eins og "sturtu" (væntanlega einhver að leita að Ármanni).

Sá einnig að "rolo muffins" var meða leitarorða. Núna langar mig í rólo muffins.

En fleira hefur á daga mína drifið.

Eftir tæpa þrjá mánuði verð ég pabbi í fyrsta sinn. Einusinni er alltaf fyrst. Er búinn að sjá verðandi erfingja í sónar og 3D sónar líka.


Kannski verð ég duglegri að blogga næsta ársþriðjung.

Jæja, sumarið senn á enda og haustið tekur við.
Búinn með rúmlega ráðlagðan ársskammt af útilegum... Hrafnagil(Ak), Mývatn, Ásbyrgi, Heiðabær(Húsavík), Sælingsdal og Hellishólar. Og svona hálfpartinn þjóðhátíð... Gisti samt ekki í tjaldi þar.

Fínasta sumar, sem að endar ágætlega held ég bara.

Góða skemmtun í skólanum þið sem eruð í skóla, og velkomin aftur úr fríi þið sem eruð að vinna.

Gleði og hamingja!

Fyrr í sumar fór ég til tannsa. Væri ekki í frásögur færandi nema að það stóð til með að rótfylla eina tönnina mína.
Ferðin var ekkert sérstaklega skemmtileg. Því eftir að það kom í ljós að fyrstu tvær deyfingarnar voru ekki að hafa tilætlaðan árangur, þá var ákveðið að það þyrfti að deyfa mig beint í taug.
Til þess að hægt sé að deyfa beint í taug, þarf fyrst að komast að henni, með bor.
Þannig eftir að það var borað að tauginni með tilheyrandi sársauka, var nál stungið beint í og deyfður. Það er ógeðslega vont að láta stinga nál í taug.

En allt kom fyrir ekki, mest allur tíminn fór í að laga til rótargöngin og eitthvað, þannig að ekki var nægur tími fyrir rótarfyllingu. Ég fékk því svona tímabundna-fyllingu, og átti tíma í gær þar sem átti að rótfylla.

Sú tímabundna var fjarlægð, og aftur virkaði deyfingin ekki nóg þannig að ég var deyfður í taug. En skárra núna því það þurfti ekki að bora að tauginni. Spenntist bara allur upp eins og það væri verið að gefa mér raflost.
Eftir næstum klukkutíma af veseni gafst tannsi upp, setti aðra tímabundnafyllingu og ætlar að senda mig til annars tannsa, sem á að vera sérfræðingur.

Og sá á ekki tíma fyrr en 14 sept. jibbí, eða þannig.
Þannig að núna er ég með trépinna og bómul fastan í tönninni minni, með smá steypu yfir, og þarf að vera með í heilan mánuð. Og á meðan þarf ég að lifa með því að ef ég bít fast, eða skakkt á tönnina, þá ýtist pinnin eða e-ð á taug, og það er ógeðslega vont!

Urgh!

Ég tók þá ákvörðun síðustu helgi að kötta aftur á kókneysluna mína. Hef oft hætt áður, svona eins og reykingarfólkið, og svo byrjað aftur. Svona eins og þegar reykingarfólk fellur með því að fá sér bara smók á djamminu, og svo bara rettu á djamminu, og svo bara pakka á djamminu... og voila. Þá hef ég byrjað aftur með því að fá mér eitt glas þegar farið er út borða. Og svo eitt glas með góðum mat. Og svo eitt glas með mat. Og svo fleiri glös með mat. Og áðuren ég veit af þá er þetta í lítratali.

Ég ákvað s.s s.l. helgi að reyna að hætta þessu. Og ákvað í fyrsta skrefi að minnka þetta um 70-80% og fara niður í hámark hálfan líter á dag til að byrja með, og svo sjá til með framhaldið. Vatnsneyslan hefur aukist á móti, sem er gott.

En þetta hefur eitt áhugavert side-effect. Um leið og þessi ákvörðun var tekin, þá fór kók og pepsi (coladrykkir) úr því að vera alltílagi á bragðið yfir í að vera ÆÐISLEGIR á bragðið.
Kalt kók hefur aldrei verið jafn gott og eftir að ég ákvað að hætta að drekka það.
Markmið: Alveg hættur fyrir lok sumarsins... Að drekka kóladrykki. Get fengið aðra gosdrykki sem undantekningar...