Á morgun, 23 apríl, er sumardagurinn fyrsti.
Þá er nú ýmislegt að gerast. Kannski minni þáttaka vegna veðurs, en whatever.
Í dag, 22 apríl, er þá síðasti vetrardagur.

Hvenær er þá vorið?
Það vantar eitthvað upp á þessa jöfnu.

Skiptir kannski engu máli fyrst það er rigning allt árið um kring, og stundum haglél í júlí.

Ég fór á xhvad.is til að athuga hvað ég ætti að kjósa.
Niðurstöðurnar komu ekki á óvart, enda veit ég svosem alveg hvar ég stend hugmyndafræðilega séð. Eða svona nokkurnveginn.
Vandamálið er að ég treysti ekki fólki sem er í framboði.

Ef ég horfi á "hina" flokkana, þá hvorki er ég sammála hugmyndafræðinni, né treysti því fólki heldur. Ætli ég verði ekki að nota útlokunaraðferðina.

Ég hef ekki verið mikill leikjaunnandi í gegnum tíðina.
En get orðið hooked á einföldum leikjum. Svona eins og bubble trouble, eða minesweeper, hearts, freecell. Bílaleikir og svona geta líka vakið áhuga minn í smá tíma. Eða skrýtnir leikir með pappírdýrum.
Vala fann nýjan leik handa mér í vikunni, svona í tilefni þess að ég er að fara að eiga afmæli.
(Hún fann reyndar leikinn fyrir sig, en ég "stal" víst leiknum af henni...)
Gravity Master heitir leikurinn, addictive og einfaldur, það er það sem hann er.
Mæli eindregið með að þið prufið.
http://www.onemorelevel.com/game/gravity_master


Svona er nú það.
 
Bætt við: ef þú ýtir á "more" tengilinn, þá sérðu scorið mitt

[read more]

Í gærkveldi sátum við Vala inn í stofu. Hún að horfa á sjónvarpsskjá og ég á tölvuskjá.
Hún var eitthvað að leika sér með litla límmiða líka, svona blóm, fiðrildi og fleira, og límdi allskonar skraut á puttana á sér.
Þegar hún var komin með nógu mikið skraut að lítill blómaálfur hefði getað gert sér heimili þar, bað hún um að fá að setja einn límmiða á minn putta.
Það var samt eiginlega ekki spurning, þið vitið hvernig þetta er.
Ég hugsaði með mér, whatever, myndi bara taka límmiðan af mér fyrir svefninn.
Vala límdi fallegt bleikt fiðrildi á nöglina á baugfingri á vinstri hönd.
Það tók mig umþaðbil 0.5 sec að gleyma að ég væri með SKÆRBLEIKT fiðrildi á puttanum.
Fiðrildið datt ekki af í svefni.
Fiðrildið fór ekki af í sturtu í morgun.
Og hvað gera strákar við neglurnar sínar á morgnana? Ekki neitt, akkurat ekki neitt. Lítum ekki einusinni á þær. Why bother?
Þannig að hvað? Já, þannig að ég fer þá bara með bleikt fiðrildi á baugfingri í vinnuna.
Undir venjulegum kringumstæðum hefði það verið í lagi, fullt af vinnufélögum sem hefðu strítt mér á þessu, jafnvel einn eða tveir viðskiptavinir sem ég þekki hefðu ekki hikað við að stríða mér smá.

En hvað gerist? Allir samstarfsmenn mínir eru útí bæ, og enginn í vinnunni sér þetta til að stríða mér. (Og þá hefði ég getað tekið fiðrildið af mér.)
En neii, strax um morguninn er ég sendur niðrí heilsugæslu, hef aldrei farið þangað áður. Hitti það viðskiptavin sem að ég hef ekki hitt áður.
Miðað við glottið á honum, þá tók hann eflaust eftir þessu, en sagði auðvitað ekki neitt.
Ég bíð bara eftir að hann verði einhverntímann spurður út í vinnuna, og hann á eftir að svara að gaurinn með bleika fiðrildið á nöglinni hafi komið...

Það er ekki lítið lagt á mann suma dagana...